2015eko Azaroaren 19a, osteguna:
- Burututakoa:
Gaur, PBL (Project Based Learning) proiektuari buruz hitz egitea egokitu
zaigu. Inor ez zekien zertaz zihoan, orduan, bost minutu utzi dizkigu googlen
bilatzeko. Bost minutuak pasatu eta gero, ikaskide batek azaldu digu zer den.
Zuek galdetuko didazue, eta zertaz doa?
Ba…
Euskaraz,
Proiektu Bidezko Ikaskuntza, ikasketak
proiektuen inguruan antolatzen dituen ikasketa
metodologia bat da. Proiektua honela definitu daiteke: Erronkak sortzen
dituzten galderatan oinarritutako lanak, zeinetan ikasleak arazoak konpondu,
diseinatu, erabakiak hartu edo ikerketako jardueretan parte hartzera bultzatzen
dituen; denbora epe zabal batean era nahiko autonomoan lan egiteko aukera
ematen die eta benetako produktu edo aurkezpenak izaten ditu emaitzatzat. Erlatiboki
berria den metodologia da, eta jarduera edo praktika desberdin ugari aurki
daitezke metodologia honen barruan. Honek PBL zer den eta zer ez den zehaztea zaila
egiten du. Honi buruzko informazio gehiago jakin nahi baduzue sartu orrialde
honetara KLIK
Klasearekin jarraitzeko, “Que dicen los estudios sobre el Apendizaje Basado en Proyectos” artikulua irakurri dugu. Hemen uzten dizuet nahi baduzue irakurtzeko KLIK Artikulua irakurtzeko denbora izan dugu eta gero klasean komentu dugu, hau da, irakasleak galdetu dizkigu proiektuaren ezaugarriak eta banan-banan gauzak esaten joan gara.
Zein da irakasleen rola?
-Ikasleekin duten harremana hobea
izatea, konfiantza gehiagorekin
-Irakaslea protagonista ez izatea,
ikasleen laguntzailea baizik
-Ikasleen talde lana bultzatzea
-Ikasleen arazoak diagnostikatzea
-Ikasleen prozesua ebaluatzea
Zeintzuk dira ikasleen onurak?
-Ikasleen autonomia garatzea
-Ikasleak gehiago motibatzea
-Ikasleen interesetatik abiatzea
-Aurkezpenak lantzea
-Diziplina artekotasuna lantzea
-Edukiak hobeto lantzea
-Eguneroko erronkei aurre egitea
-Besteen ideiak entzutea eta
kritikak egitea
-Azkeneko produktua hobetzea
-Azterketen aurrean estresa gutxitzea
-Denboraren kudeaketa hobetzea
-Zeharkako gaiak sartzea
-Prozesuari garrantzia ematea
Ulertu duzue? Oso ondo ulertu ez
baduzue, hemen uzten dizuet bideo bat (ingelesez dago baina ulergarria da)
Gaiari buruz hitz egiten egon gara
denbora luzean eta klasea amaitzeko, hirunakako taldeetan proiektu bat egingo
dugula esan digu. Hiru gai eman dizkigu aukeratzeko: arbela digitala, hizkuntza
berezia eta bideo edizioa. Azken honi buruz egitea erabaki dugu, bideo edizioa
hain zuzen. Hiru pausotan egin behar dugu. Lehenengoz, zenbat urteko umeentzat
bideratuta egongo den erabaki. Bigarrena, curriculuma zer esaten duen ipini eta
azkenik, proiektua irudikatu.
- Gogoeta
Nire ustez, klasean egunero gauza
desberdin eta berri bati bati buruz ikastea oso ondo dago gure formakuntza
aurrera eramateko. PBL proiektuari buruz hitz egiteak, interesgarria iruditu
zait, ezagutzen ez nuen proiektua delako.
Emaitza onak izaten dituzten
proiektuen alde nago. Ondo iruditzen zait ikasleen autonomia garatzea. Izan
ere, bizitzan zenbait arazoen aurrean topatuko dira eta bakoitzak babak
eltzetik ateratzen jakin behar du. Beraz, horretarako txikitatik preparatzen
hastea ondo datorkie. Proiektu honi buruz interesgarria iruditzen zaidan beste
gauza bat, ikasgairik ez egotea, irakaslea laguntzailearen rola hartzea eta
klasean landuko den gaia umeen interesetik abiatzea da. Gogoratu hau, Edozein gauza edozein ikasgairekin lotu
daiteke. Irakasleak kotxearen eta pressing catch adibidea jarri zituen guk
helburua argi ikusteko.
Galdetuko duzue, pressing catch?! Harrigarria
dirudi, baina bai. Adibidez, matematika irakasgairako ring-aren neurriak landu
ahal dira edo naturan, giza gorputza besteei mina ez egiteko non eman behar
dugun eta non ez. Kotxearekin gauza berdina gertatzen da. Zenbait galdera egin
ahal ditzakegu, kotxearen gurpilak zertaz eginda daude? Eta material hori
nondik ateratzen da? Nola jartzen da kotxea martxan? Zer behar du? Behar dena nola
sortzen da? Gauza infinitu dago lantzeko, gauza batetik milaka gauza ateratzen
da. Ikusten duzuenez, segida baten modukoa da.
![](http://www.seguroparacoches.es/images/noticias/seguroparacoches-es-seguro-coche.jpg)
![](http://www.modernicolas.com/wp-content/uploads/2012/11/pressing-catch.jpg)
Irakasleak hausnartzeko hurrengo bi
galdera egin dizkigu:
Praktiketan egon zareten eskolan, proiekturen bat erabiltzen zuten?
Egon naizen eskolan proiektu bakar bat
jarraitzen dute. “MUNDILAB” izenekoa
baina klasean ez zuten inongo proiekturik lantzen. “MUNDILAB” proiektuan, eskolako
kurtso guztiak parte hartzen duten proiektu da. Urtero egiten da gai desberdin
bati buruz, pasaden urtean kultura desberdinei buruz izan zen eta aurten klimari
buruz egokitu da. Beste ikasgai bat izango balitz bezala lantzen da. Orduan jai
guztiak horri buruz izango dira inauteriak, kultura astea etab. eta klasean gai
hori lantzen da.
Proiektu bat arrakasta badu, zergatik ez dugu denok proiektuka lantzen?
Nire ustez, ez da proiektuka lantzen,
askoz errazagoa delako metodo tradizionalekin jolastea eta batez ere irakasleen
formakuntza faltagatik.
Amaitzeko esan beharra daukat, irakaslearen
lana umeak ondo egotea eta sentiaraztea da. Beraz, egingo ditugun gauza
guztiak beti haien ongizaterako pentsatuta izan behar dira.
2015eko Azaroaren 20a, ostirala:
- Burututakoa
Gaur bigarren astearen bigarren
klasea izan dugu. Gaur ere irakasleak berriro esan digu blogera gobidatu ez dioten
pertsonei, gobidatzeko. Klasearekin hasteko, ikaskide bat klaseren aurrera
atera da, gaur arte klasean egin ditugun gauza guztiak azaltzera. Ondoren,
beste ikaskide bat atera da, atzo klasearen amaieran zer egiten geratu ginen azaltzeko.
Gaurko klasearen zeregina pausoz-pauso
hurrengoa izan da:
-Curriculuma ipintzen bukatu
-Gaia idatzi
-Ikasgaiak curriculumarekin lotzea
-Egin dugunari buruzko storyboard bat
egitea
Hirunakako taldetan jarri eta lanean
hasi gara. Proiektu bat pentsatu behar izan dugu non bideo edizioa landuko
den. Proiektuari forma eman eta gero, bi talde atera dira haien
proiektua aurkezteko eta ikaskideei ideiak emateko. Izan ere, curriculuma
irakasgaiekin loturiko zenbait galdera (batzuk maltzurrak) egin dizkiegu.
Gure proiektua…
Zenbat urteko umeentzat bideratuta dago?
Gure
proiektua Lehen Hezkuntzako bosgarren mailarako bideratuta dago, hau da, 9-10
urte bitarteko umeentzat.
Zein da proiektuaren helburua? Zertaz egingo dugu?
Proiektu honen helburu nagusia bideo edizioa
lantzea da eta PBLan oinarrituta egongo da, hau da, ez da ikasgai edo ordutegi
zehatzik egongo. Azkenengo produktua bat izan arren, ikasgai guztiak landuko
dituzte prozesuan.
Guk aukeratutako proiektuan, ikasleek ipuin bat asmatu
beharko dute eta bideo edizioaren bidez ipuin digital bat sortu. Klasea 4-5
pertsonako taldeetan banatuko da eta ipuinaren gaia guztiz librea izango da,
hau da, taldearen eskuetan egongo da. Baldintza bakarra egongo da, gaia guztion
artean erabakitzea eta, horrez gain, haurrentzat bideratutako ipuina izatea.
Klasea amaitzeko, bideoan egingo dugunari buruzko komiki
bat egin dugun ondoren ordenagailuan storyboard bat egiteko.
Nola egin storyboard bat?
- Gogoeta
Gaurko klaseko helburu nagusia IRAKASGAI GUZTIAK CURRICULUMAREKIN LOTU
AHAL dela konturatzea DA. Oso ondo iruditzen zait taldeak haien lana
aurkeztera ateratzea, ematen ditugun ideiak denontzat erabilgarriak direla
pentsatzen dudalako. Komikia eskuz egin eta gero,ordenagailuz egingo dugunez, storyboard programa erabiltzea primeran iruditzen zait, egin behar dugun beste lan
batzuetan erabiltzen jakiteko.
Kapazak gara bideo bat montatzeko? Gaur egun
dauzkagun baliabide guztiekin noski baietz!! Froga ezazu J
iruzkinik ez:
Argitaratu iruzkina